PROPOSTA EDUCATIVA

Primaria

6-12

anos

cursos

liñas

aulas

EDUCACIÓN PRIMARIA

Obxectivos académicos e pedagóxicos

Acompañamos ao alumnado no seu proceso de maduración e aprendizaxe, actuando como guías e dotándoos de ferramentas e estratexias para que eles sexan os que constrúan o seu propio coñecemento de sí mesmos e un espírito crítico e reflexivo.

Buscamos a formación integral do alumnado nas distintas competencias que crearán a base para afrontar a Educación Secundaria Obrigatoria (ESO)

Metodoloxía

Nesta etapa traballamos a continuidade do desenvolvemento espiritual, intelectual, físico e afectivo empleando metodoloxías activas que favorecen a curiosidade, o interese e a creatividade.

Destacamos o traballo cooperativo, que promove a competencia social e a inclusión, así como a aprendizaxe baseada en proxectos interdisciplinares, onde os alumnos e alumnas resolven retos mediante investigación e colaboración. Ademais, a partir de 5º de Primaria introdúcese o uso de dispositivos dixitais como ferramenta de traballo grupal e consulta en moitas áreas.

Proxecto lingüístico

O desenvolvemento e mellora da competencia lingüística do alumnado é un obxectivo fundamental na etapa, para iso traballamos coas tres linguas do proxecto plurilingüe: castelán, galego e inglés.

Ademais das materias específicas en cada idioma, impartimos Plástica, Música e Educación Física en inglés e Ciencias Naturais e Sociais en galego.

Nos proxectos utilízanse as tres linguas, para favorecer o uso das mesmas en diferentes ámbitos da vida.

Innovación metodolóxica

Implementamos diversas metodoloxías innovadoras para potenciar a aprendizaxe.

Utilizamos fundamentalmente a ABP (Aprendizaxe Baseada en Proxectos) e a aprendizaxe cooperativa. Nos primeiros cursos, tamén os recunchos de aprendizaxe, fomentando a autonomía. Desenvolvemos o pensamento matemático con EMAT.

Apostamos polas novas metodoloxías de ensino-aprendizaxe baseadas en Thinking based learning e Learning by doing, procurando unha comprensión fonda, significativa e aplicada.

Horario

Luns-Xoves: 08:50-17:15

Venres: 08:50-14:10

*Incluido comedor e sexta hora

ACTIVIDADES E PROXECTOS DESTACADOS

Proxecto de patios EP

RECREOS INCLUSIVOS, PARA TODAS E TODOS

Este proxecto xurde coa intención de que todos os nenos e nenas do noso colexio gocen durante o tempo de lecer e poñan en práctica os valores do noso labor educativo: respecto, solidariedade, liberdade, autoestima e responsabilidade.

É o propio alumnado quen elixe e dinamiza os xogos, acolle aos demais, actúa para prever conflitos, responsabilízase dos materiais e aporta ideas para crear un espazo no que todas as persoas se sintan cómodas.

Para iso recollemos información de xeito periódico a través de cuestionarios nos que se aportan novas propostas, cambios e melloras. E escollemos e formamos, por quendas, alumnado axudante.

Estancias con noite

FOMENTAMOS A AUTONOMÍA DESDE UNHA CONTORNA FAVORABLE

Acción da nosa proposta educativa que, relacionada coas aprendizaxes perseguidas en cada curso, ten o claro obxectivo de fomentar a autonomía e independencia do noso alumnado. Desde 3º de Primaria propoñemos estancias que contribúen a que vaian gañando autonomía paulatinamente. A contorna escolar, as súas compañeiras e compañeiros e, por suposto, o profesorado fan que este grande paso no seu desenvolvemento se produza con total naturalidade.

As nosas actividades e excursións con durmida parten de actividades educativas e motivadoras que dan sentido á aprendizaxe e complementan o currículo.

EMAT

MATEMÁTICAS PARA A VIDA

O programa EMAT en matemáticas, desenvolve un pensamento diverxente e a través do xogo e a manipulación, adquírense as destrezas básicas para solucionar as situacións matemáticas.

Propoñemos unha aprendizaxe baseada en diferentes tipos de actividades contextualizadas para que o alumnado sexa quen de aplicar noutros contextos e intres da súa vida o aprendido. Non só pretendemos que sexa quen de aplicar os conceptos, senón que sexa competente en calquera ámbito e que desenvolva habilidades persoais, sociais ou actitudinais, fomentando as oito competencias clave.

EMAT aplica o Big Data para facilitar a aprendizaxe de cada un, propoñéndolles actividades personalizadas a través dunha web de aprendizaxe adaptativa, CiberEMAT, para que o alumnado poida aprender a un ritmo axeitado ao seu nivel madurativo.

Que é EMAT?

EMAT na aula

Extracurriculares

OFERTA DE MATERIAS QUE COMPLEMENTAN O CURRÍCULO

Con estas propostas buscamos facer medrar ao noso alumnado en todas as súas dimensións, pero aportando unha perspectiva máis lúdica.

En toda a etapa trabállanse os valores dos nosos colexios e a intelixencia emocional no Obradoiro de Valores. Tamén en todos os cursos propoñemos English Workshop co obxectivo de achegalos á cultura anglosaxoa e reforzar o inglés oral.

No primeiro ciclo, momento evolutivo onde se fai especialmente importante a aprendizaxe da lingua escrita e a resolución de problemas, ofertamos Xogos da linguaxe e de Estratexia. Expresión corporal, Teatro, Learning by Doing, Programación e Francés completan unha oferta que está en constante actualización.

Biblioteca

FOMENTO DA LECTURA

A nosa biblioteca é moito máis ca un lugar onde atoparmos libros. Nela apóianse proxectos, realízanse encontros con autores, actividades de fomento da lectura e realizamos préstamos para achegar os libros aos nenos e nenas. O profesorado encárgase de actualizala, seleccionando as lecturas máis interesantes e divertidas. Organizamos charlas e contacontos ao longo do curso. Tamén deseñamos materiais, como cadernos de lectura divertida, termómetros de lectura, carnés de grandes lectores…que acompañan o proceso lector e motivan ao noso alumnado, espertando o seu gusto personal e o seu espírito crítico.

RELACIÓN FAMILIA COLEXIO

REUNIÓNS FAMILIA-TITOR/A

Consideramos fundamental a colaboración Familia-Colexio. Ao longo da vida escolar, fomentamos esta relación con reunións anuais de grupo e entrevistas individuais trimestrais cos titores/as. Estas reunións abordan aspectos como a adaptación ao centro, a evolución académica do alumnado e a súa socialización. Ademáis, contamos co apoio profesional do Departamento de Orientación, que asesora tanto a familias como a docentes.

TARDES DE EXPERTOS/AS

A implicación das familias na vida da aula lévase a cabo coas Tardes de Expertos/as. Estas ofrecen ás familias a oportunidade de participar na realidade educativa do centro. En colaboración co equipo docente e en estreita relación cos proxectos, as familias preparan actividades experienciais para realizar na aula. Para os nenos e nenas, ver á súa familia na aula é unha grande alegría, mentres que para os familiares, esta experiencia é memorable.

CELEBRACIÓN DA APRENDIZAXE

Ao finalizar cada proxecto, convidamos ás familias a celebralo con nós durante unha tarde. Nela, o alumnado explícalle e amosa o que aprenderon no proxecto.

Podemos ver as diferentes actividades a través das cales desenvolveron o seu pensamento reflexivo, a súa creatividade e a súa empatía, ademáis do traballo en equipo. O alumnado comparte o seu proceso de aprendizaxe e amosan o produto final dos proxectos.