As Esclavas del Sagrado Corazón de Jesús (ACI) somos unha Congregación Relixiosa fundada en 1877 por Santa Rafaela María Porras e a súa irmá Pilar.
A nosa Congregación ten espiritualidade ignaciana que dá un xeito de ser ao carisma que recibimos da Igrexa: a Reparación do Corazón de Xesús.
Acompañamos aos nosos alumnos no descubrimento de quen son, recoñecendo as luces e as sombras da súa propia historia para que poidan vivilas de maneira integrada, reconciliada… reparada.
Acompañamos aos nosos alumnos para que poidan desenvolver todas as súas potencialidades, descubrir o seu compromiso persoal e concretalo no seu proxecto de vida.
A nosa educación está comprometida na transformación do mundo, na defensa dos Dereitos Humanos e o coidado da Creación. Queremos que o noso alumnado sexa axente desa transformación.
A Eucaristía está no centro da nosa tarefa educativa e imprégnaa de ledicia compartida, vida entregada en favor de todos, especialmente dos más febles, abraio, compromiso coa paz, a xustiza e a integridade da creación.
Santa Rafaela María naceu o 1 de marzo de 1850 en Pedro Abad (Córdoba). No ano 1874 comeza a súa andaina na vida relixiosa, fundando a Congregación das Esclavas del Sagrado Corazón en 1877. Finou en 1925 en Roma, onde permaneceu os derradeiros 32 anos da súa vida.
Rafaela María foi unha muller namorada da vida. Sentiuse amada especialmente por Deus e, a pesar das dificultades que viviu, atopouno en todo, e viviu reconciliada e reconciliando. Soubo amar a cada persoa no que era e afoutala para que puidese ser o que Deus soñaba dela. Cría nas persoas e nas súas posibilidades.
Rafaela María e as primeiras Esclavas del Sagrado Corazón comprenderon que o corazón é o centro da persoa, desde onde esta se forxa, por ser a sede da vontade e do amor. Intuíron que favorecer e coidar o corazón san é educar para que a persoa medre libre, sa e ditosa.
Pablo VI proclamouna santa o 23 de xaneiro de 1977.
EDUCAMOS