PASTORAL

GRUPOS ACI

Grupos ACI

APRENDENDO A MIRAR DENDE O CORAZÓN

Os grupos ACI somos un movemento cristián de nenos e nenas, mozos e mozas creado polas Esclavas del Sagrado Corazón de Jesús e acompañado por estas e por laicos que vivimos o mesmo carisma que, ao estilo de Santa Rafaela María, atopamos en Xesús a forza para ser coma Él, persoas que entregan a súa vida á tarefa da reconciliación para facer un mundo máis humano e fraterno.

Partindo da realidade da persona, pretendemos fomentar un compromiso na comunidade eclesial. Temos en conta as fases de crecemento e o ritmo persoal. Consideramos indispensable o acompañamento persoal e grupal para que cada un descubra o plan de Deus na súa vida. Un estilo de pedagoxía que conxuga: atención á vida, saber mirar, compartir, reler e celebrar a vida.

QUEREMOS AXUDAR A CADA UN A:

Medrar como persoa capaz de acoller a mensaxe de Deus.
Descubrir a necesidade de colaborar con Cristo na reconciliación de si memso, cos demais, co mundo e con Deus.
Vivir as actitudes de Xesús, que se descubren e celebran na Eucaristía.
Lograr coherencia entre a súa vida e a súa fe.
Comprometerse alí onde vive.
Chegar a unha opción persoal na comunidade eclesial.
Celebrar a vida a través de encontros, festas, natureza, amizade, grupo…

NIVEIS

Os grupos ACI ofértanse a partir da Primeira Comuñón e están organizados por niveis.

CHISPAS

Chispas I – (10 a 11 anos)

Chispas II – (11 a 12 anos)

ANTORCHAS

Antorchas I – (12 a 13 anos)

Antorchas II – (13 a 14 anos)

TESTIGOS

Testigos I – (14 a 15 anos)

Testigos II – (15 a 16 anos)

Testigos III – (16 a 17 anos)

JÓVENES

Jóvenes – (17 a 18 anos)

Reunións semanais

En Grupos ACI reunímonos cada semana ou cada 15 días.

Compartimos a vida e a fe de diferentes maneiras. A través de xogos, obradoiros, oracións, reflexións, diálogos…

Os monitores axúdannos a crear un clima de confianza onde podemos ser nós mesmos e aprender da riqueza dos demais.

Acampadas locais

Cada ano realizamos algunha acampada todos os que pertencemos á mesma cidade ou con outras cidades próximas.

Encántanos porque todos xuntos gozamos do encontro, a cercanía… e ademais facemos xuntos iso que normalmente non podemos: veladas de terror, xogos cos de outras idades, eucaristías…

Encontros nacionais

Porque Santa Rafaela Mª decíanos: «Universais como a Igrexa…» Facemos encontros con xente de toda España, porque medramos no pequeno e no GRANDE porque Celebramos a Vida de moitas maneiras… Por todo isto temos encontros con outas cidades de España cada 2 ou 3 anos durante unha fin de semana.

Campamento de verán

Os Grupos ACI cada ano temos un campamento de 10 días en verán. Sempre é nalgún espazo natural privilexiado.

É un tempo para reforzar a aprendizaxe en actividades de lecer, para medrar en autoestima, constancia, espiritualidade, coidado da natureza e vida cristiá.

Camiño de Santiago

Cada certo tempo os Grupos ACI participamos da experiencia única de ser peregrinos. Peregrinos do mundo, da vida e da fe. Como os milleiros de peregrinos do Camiño de Santiago: «Quen non oia o canto do ceo, non debe ir en busca do apóstolo» para coñecer e vivir máis de preto con Xesús de Nazaret.

Pascua de mozos

Retiro con mozos para vivir unha experiencia fonda da Pascua ao estilo de Xesús. Mozos universitarios dos Grupos ACI xúntanse con mozos doutros grupos para vivir esta experiencia única.

Formación de monitores

Os Grupos ACI temos un espazo de formación dos monitores. Unha formación que se imparte a nivel local, zonal e nacional. Nela coidamos a preparación dos mozos que se farán cargo dos nenos. E tratamos temas que coidan os aspectos fundamentais dos grupos como son: a psicoloxía, a socioloxía, a dinámica de grupos, os xogos, creatividade, teoloxía…