Dende o centro, e co desexo de colaborar na formación e crecemento persoal do noso alumnado, ofrecemos a posibilidade de preparación dos sacramentos da  Reconciliación e da Eucaristía.

Como parte da actividade pastoral, ofrecemos tamén a oportunidade de recibir a Primeira Comuñón no colexio, despois de completar un proceso catequético dende 3ºEP ata o  segundo trimestre de 4ºEP.

O Club Deportivo Esclavas  créase no ano 1981, xestionado pola propia ANPA do colexio, aínda que non é ata o ano 2010 cando separa xa a súa actividade da ANPA e constitúese con CIF propio, iniciando unha nova etapa cun novo modelo de xestión. Un grupo de familias forma entón a primeira Xunta Directiva con únicamente dous equipos infantís de baloncesto en competición, un masculino e outro feminino.

Da man do Colexio, o Club Deportivo Esclavas chegou a 2024 cunhas cifras impensables fai uns anos: máis de 400 deportistas, 25 adestradores, 23 equipos de baloncesto e 10 equipos de fútbol. Todos os esforzos e recursos do club destínanse ao deporte de base e formativo, onde non soamente participan maioritariamente alumnos e alumnas do propio colexio, senón que se trata dunha institución deportiva aberta que conta tamén con numerosos deportistas doutros centros.

Merece tamén unha mención especial ao fomento do deporte feminino, que se ve reflectido nos números: na sección de baloncesto o 55% son nenas e na sección de fútbol, dos 8 adestradores, 6 son mulleres.

Escola de vida e de rigor, o seu principio é a arte do débil contra o forte agresor, o JUDO e o JIU-JITSU perduran como unha práctica antiga no mundo deportivo moderno, facendo alianza na procura da eficacia na mensaxe universal da educación.

En Activa ofrecemos actividades extraescolares innovadoras e servizos educativos integrais que inspiran aos escolares a descubriren o seu potencial e desenvolver as súas habilidades.

As nosas actividades no colexio abranguen dende a formación en idiomas, actividades deportivas, actividades creativas e culturais e actividades tecnolóxicas ata servizos de conciliación como poden ser os nosos campamentos de verán ou as tardes Activa de xuño e setembro. En definitiva, buscamos entusiasmar aos nenos e nenas mentres aprenden e se divirten.

Prado Surf nace no ano 1998 co propósito de promover o surf en Galicia e facer que calquera persoa que o desexe poida acceder á práctica deste deporte. Ademáis do surf, tamén poderás iniciarte connosco na práctica do skate, próbao!

Comezamos unha colaboración con Wornham School of English  para potenciar e ofrecer a mellor calidade de oferta en inglés para o noso alumnado.

Actualmente, ter unha boa formación en inglés e acceder con éxito ás titulacións oficiais é unha das prioridades das familias do colexio.

Ademais, contamos coa vantaxe de dar as clases no colexio, no horario de mediodía e coa confianza de ofrecermos un servizo con metodoloxías comunicativas e adaptadas para eles, onde os alumnos maiores prepáranse para os exames oficiais de Cambridge.