ESTILO EDUCATIVO

Pedagoxía do Corazón

O NOSO ESTILO EDUCATIVO

Definimos o noso estilo propio de educar como «Pedagoxía do Corazón».

Queremos chegar ao corazón dos nosos alumnos e alumnas, ao máis fondo dos seus desexos e sentimentos porque só desde eles realízase a transformación da persoa. Este estilo pedagóxico posúe as seguintes características:

O ALUMNO/A É O CENTRO

Partimos das posibilidades de cada persoa para acompañala no seu proceso de aprendizaxe, crecemento e desenvolvemento.

FORMAMOS O CORAZÓN

Acompañamos o desenvolvemento afectivo-emocional para xerar persoas Íntegras, que manexan as súas emocións.

CONTEMPLAMOS A REALIDADE

Axudamos a mirar e contemplar a realidade con espírito crítico, para discernir e elixir sempre o mellor.

ATENDEMOS A DIVERSIDADE

Atendemos a diversidade en calquera das súas formas, de maneira que a ninguén se lle dea por perdido.

FIRMEZA E TENRURA

Combinamos a firmeza e a tenrura e o noso plan de convivencia está tinguido de comprensión, bondade, escoita e fiúza.

UN CORAZÓN UNIVERSAL

Queremos educar persoas cun corazón universal, abertas ao mundo e solidarias.

EDUCAR É AMAR

Somos acompañantes e guías no proceso de educar. O noso trato persoal expresa que cremos nas posibilidades do noso alumnado.

INNOVACIÓN

A metodoloxía é viva e innovadora. Traballamos as potencialidades de cada un e potenciamos a aprendizaxe cooperativa, poñendo a tecnoloxía ao servizo da aprendizaxe.

“Unha cualidade indispensable a todo educador é a de amar aos seus alumnos. Se verdadeiramente este amor existe… o amor faralles buscar en cada intre o que a cada alumno lle convén”

C. Estrada 1951

Apostamos pola innovación metodolóxica

A NOSA METODOLOXÍA

Atendendo a chamada da Igrexa, e tomando a LOMLOE coma oportunidade, decidimos apostar pola interdisciplinariedade e con isto por dúas metodoloxías predominantes: a aprendizaxe cooperativa e a ABP (Aprendizaxe Baseada en Proxectos).

APRENDIZAXE COOPERATIVA

Porque consideramos fundamental que todos aprendan xuntos. Traballando cos seus compañeiros/as, o alumnado accede a modelos de conduta que potencian o seu proceso de aprendizaxe, a súa motivación, os seus esforzos cara ao logro, as súas relacións interpersoais positivas e a súa saúde emocional. Co traballo cooperativo desenvólvese a responsabilidade individual e grupal e as destrezas sociais relacionadas coa comunicación, a cooperación, a resolución de conflitos, o apoio, a axuda mutua…

APRENDIZAXE BASEADA EN PROXECTOS (ABP) E APRENDIZAXE E SERVIZO

Porque o alumnado debe ser protagonista da súa propia aprendizaxe, potenciando o traballo en equipo, pensamento crítico e investigación, ao tempo que aprende a traballar en necesidades reais da contorna coa finalidade de mellorala.

APOSTAMOS POLO ENSINO COMPETENCIAL DAS MATEMÁTICAS

Cos programas que estamos a implantar nos nosos colexios queremos que o alumnado desenvolva a súa competencia matemática mentres descubre e constrúe conceptos pouco e pouco, manipulativamente, para comprendelos, consolidalos e aplicalos. Todo isto para que o alumnado desenvolva estratexias perdurables e un espírito matemático crítico.

UNHA NOVA MANEIRA DE AVALIAR

Por outra banda, unha nova metodoloxía esixe unha nova maneira de avaliar que sexa parte do proceso de aprendizaxe e non só a fin deste. Queremos unha avaliación que acompañe ao alumno no seu proceso de aprendizaxe. Unha avaliación que aporte información sobre o traballo que se realiza e como se pode mellorar posibilitando a autorregulación do estudante.