EDUCAMOS
Luns: De 08:50h a 14:30h e polas tardes de 15:50h a 17:30h
De martes a venres: De 08:50h a 14:30h
PROPOSTA EDUCATIVA
ESO
12-16
anos
4
cursos
2
liñas
8
aulas
EDUCACIÓN SECUNDARIA OBRIGATORIA
Obxectivos académicos e pedagóxicos
A finalidade é que o alumnado adquira os elementos básicos da cultura: humanísticos, científicos e tecnolóxicos; desenvolva e consolide hábitos de estudo e de traballo; preparalos para a incorporación a estudos posteriores ou a inserción laboral e formalos para exercer os seus dereitos e responsabilidades como cidadáns.
Metodoloxía
A nosa metodoloxía baséase no traballo por proxectos e a aprendizaxe coopertativa, que abrangue diversos ámbitos de coñecemento. Promove o desenvolvemento do pensamento crítico e potencia a comunicación oral, a autoxestión e as habilidades de liderado. Ademais, fortalece a autoestima e a responsabilidade.
Traballamos desde hai anos con IPAD e todas as nosas aulas están dotadas de taboleiros dixitais.
Proxecto lingüístico
O proxecto lingüístico do centro permite ao alumnado consolidar a súa competencia lingüística a través de diversas materias e actividades, utilizando catro linguas: castelán, galego, inglés e francés.
Ademais, poden cursar o Bacharelato Dual desde 3º de ESO, obtendo a titulación estadounidense e mellorando a súa competencia en inglés.
Atención personalizada
Existen titorías semanais de grupo e sesións individualizadas para un seguimento próximo e adaptado ás necesidades de cada estudante. Ademais, realizamos celebracións e participamos en actividades escolares que fortalecen o sentido de comunidade e pertenza.
Reunións grupais e individuais coas familias para unha comunicación efectiva e colaborativa.
Priorizamos a atención á diversidade de cada alumno e alumna e o seu desenvolvemento integral como individuos.
OFERTA ACADÉMICA
1º, 2º y 3º de ESO • Materias comúns
| 1r ESO |
|---|
| Bioloxía e Xeoloxía |
| Educación Física |
| Educación Plástica, Visual e Audiovisual |
| Lingua Castelá e Literatura |
| Lingua estranxeira: Inglés |
| Lingua Galega e Literatura |
| Matemáticas |
| Segunda lingua estranxeira: Francés |
| Tecnoloxía e Dixitalización |
| Xeografía e Historia |
| Crithical Thinking |
| Relixión |
| 2n ESO |
|---|
| Educación Física |
| Física e Química |
| Lingua Castelá e Literatura |
| Lingua estranxeira: Inglés |
| Lingua Galega e Literatura |
| Matemáticas |
| Música |
| Segunda lingua estranxeira: Francés |
| Tecnoloxía e Dixitalización |
| Xeografía e Historia |
| Crithical Thinking |
| Relixión |
| 3r ESO |
|---|
| Bioloxía e Xeoloxía |
| Educación en Valores Cívicos e Éticos |
| Educación Física |
| Educación Plástica, Visual e Audiovisual |
| Física e Química |
| Lingua Castelá e Literatura |
| Lingua estranxeira: Inglés |
| Lingua Galega e Literatura |
| Matemáticas |
| Música |
| Xeografía e Historia |
| Relixión |
3º y 4º de ESO • Materias optativas
| 3r ESO |
|---|
| Educación dixital |
| Oratoria l |
| Cultura Clásica |
| Segunda lingua estranxeira: Francés |
| 4º ESO |
|---|
| Segunda lingua estranxeira: Francés |
| Expresión artística |
4º de ESO • Materias comúns
| 4º ESO |
|---|
| Educación Física |
| Lingua Castelá e Literatura |
| Lingua estranxeira: Inglés |
| Lingua Galega e Literatura |
| Matemáticas A / B |
| Xeografía e Historia |
| Dixitalización |
| Relixión |
4º de ESO • Opcións 4º ESO
| OPCIÓN 1 |
|---|
| Matemáticas B (4h) |
| Física e Química (3h) |
| Bioloxía e Xeoloxía (3h) |
| OPCIÓN 2 |
|---|
| Matemáticas B (4h) |
| Física e Química (3h) |
| Economía e emprend. (3h) |
| OPCIÓN 3 |
|---|
| Matemáticas A / B (4h) |
| Latín (3h) |
| Economía e emprend. (3h) |
| OPCIÓN 4 |
|---|
| Matemáticas A / B (4h) |
| FOPP (3h) |
| Economía e emprend. (3h) |
*A oferta de optativas pode variar cada ano en función da demanda.
ACTIVIDADES E PROXECTOS DESTACADOS
On-Mat
A REVOLUCIÓN DAS MATEMÁTICAS
As matemáticas demandan abstracción, dedicación, repetición e práctica. Para facer fronte a este desafío, empregamos unha aplicación deseñada para facilitar o dominio da materia e fomentar o entusiasmo entre o alumnado.
Esta plataforma, concibida como unha extensión da metodoloxía pedagóxica EMAT, ofrece actividades que propician unha aprendizaxe transversal, integral e contextualizada das matemáticas. O seu obxectivo é que os estudantes perciban as matemáticas como un coñecemento práctico e aplicable no seu día a día.
ONMAT adáptase á diversidade de necesidades e ritmos de aprendizaxe presentes nas aulas. Organizados en grupos, traballan con obxectivos e ritmos diferenciados, combinando exercicios virtuais, traballo en equipo, demostracións grupais, xogos e actividades individuais para crear un ambiente educativo dinámico e enriquecedor.
Viaxes de estudos
ENRIQUECENDO A EXPERIENCIA EDUCATIVA DO NOSO ALUMNADO
Realizamos diversas saídas e viaxes lúdico-culturais con estancia dun ou varios días. Estas experiencias non só son momentos de diversión, senón que tamén teñen un valor educativo significativo.
En 1º de ESO o noso alumnado realiza unha viaxe á neve (normalmente a Leitariegos) e en 2º de ESO realízase un multiaventura (Asturias), onde teñen a oportunidade de tomar contacto directo coa natureza e gozar da práctica de deportes e da convivencia cos seus compañeiros e compañeiras nun ambiente menos académico.
En 3º de ESO a experiencia é máis cultural, realizando unha viaxe a Madrid na que se visitan diferentes museos, parques, estadios, actuacións… Sempre é un éxito!
Atención á diversidade
COIDANDO DAS NECESIDADES DE CADA ESTUDANTE
Miramos a cada alumno de maneira diferenciada e potenciamos as súas capacidades.
O noso departamento de Orientación traballa co alumnado para dar orientación académica e profesional, para acompañar aos alumnos con diferentes ritmos de aprendizaxes e para traballar técnicas de estudo. Ademais, ten unha gran presenza na convivencia do centro, axudando a crear o bo ambiente que respiramos.
O profesorado, ademais, asesorado polo Departamento de Orientación, desenvolve programas adaptados ás necesidades dos alumnos de maneira individualizada, con ampla experiencia e en comunicación coas familias.
Debate e oratoria
POTENCIANDO AS HABILIDADES DE COMUNICACIÓN
Na nosa oferta académica, a través da materia de Oratoria, fomentamos as capacidades de Debate e Oratoria traballando as destrezas de falar en público, argumentar e debater, como ferramentas básicas de comunicación, útiles e necesarias para o seu desenvolvemento escolar e persoal.
Ademais, presentámonos a concursos de debate e mesmo no pasado organizamos o noso propio torneo.
TIC na aula
FOMENTANDO AS COMPETENCIAS DIXITAIS
Integramos as Tecnoloxías da Información e a Comunicación (TIC) no día a día das clases, cada alumno/a dispón do seu propio iPad, que é xestionado e supervisado polo centro. O noso obxectivo é promover un bo uso das TIC, concienciando aos estudantes sobre as súas posibilidades e responsabilidades na aprendizaxe dixital. Recoñecemos a importancia da competencia dixital para a participación na sociedade actual e a demanda de interactividade e personalización no proceso de ensino e comunicación. Facémolo de forma responsable, sen deixar de lado outras facetas da aula máis manipulativas ou tradicionais que tamén son fundamentais á hroa de traballar día a día.
As TIC na aula apoian diversos proxectos educativos como ON MAT, a gamificación, a programación ou a robótica, aumentando a motivación e a implicación do alumnado, o que contribúe a unha maior eficacia na aprendizaxe e promove a súa responsabilidade e autonomía.
O noso Proxecto Dixital baséase na formación continua do profesorado e a adaptación aos avances tecnolóxicos e as necesidades dos alumnos e da sociedade na que vivimos.
Aprendizaxe e servizo (APS)
IMPLICÁMONOS NA MELLORA DA NOSA CONTORNA
Moitos proxectos realizados no colexio teñen un compoñente de Aprendizaxe e Servizo que pretende unha implicación do alumnado na mellora da súa contorna próxima, desde a concienciación e a solidariedade.
O obxectivo principal é que os coñecementos e as diferentes sensibildiades saian da aula e busquen ter un impacto no contexto do alumnado. Un exemplo é o proxecto “Concienci-arte” 1º premio ao compromiso social no concurso Imaxina. Nel, a través da recollida de aceite usado, o noso alumnado creou e vendeu xabóns para poder financiar unha campaña solidaria de PROACIS. Crearon ata os seus propios moldes coa impresora 3D para poder darlles forma!